ERRANEN DUTA?

        Arnaut Oihenarte , 1657

Erranen duta? ahal dezaket,

Egia dena bezala,

Zu begistatuz geroz laket

Zu bezi ehor etzautala.

Bana zer hobe, zuk gorreti

Badagidazu zur' aldeti?

Bana zer hobe, zuk' gorreti

Badagidazu horla beti?

Geroz oihana lilitu da

bait' ar'orstatu lauretan;

Ud' ere negu, negi'uda

gerthatu da hain berzetan.

Bana zer hobe...

Arte hartan, zer eztut egin

Zureki adizkidetzeko?

Zuk nizaz, nik zuzaz atsegin

Biek orozbat hartzeko?

Bana zer hobe...

Noiz ere batzen baitzitzautzat

Bidean iragaitean,

Minak zatiz arhintzen zautzat,

Zuri bi hitz erraitean,

Bana zer hobe...

Ur-sortak, ardur'arduratuz,

Harria xila zirozu;

Ni zuri, beti bet'eskatuz

Zinzurr'arhetsik niagozu,

Bana zer hobe...

Niri baibaten erraitera

Etzenthozke ehoiz-ere?

Orai, zure minez hiltzera

Nohela, ikusiz berere?

Zeren berhetuz zuk gorreti

Baitagidazu zur'aldeti;

Zeren berhetuz zuk gorreti,

Baitagidazu horla beti.

© Arnaut Oihenarte