ABCDEFGHIJKLMNOPRSTUVZ


armiarma

 

Egile berarenak:

 

IGANTE XURI
      (1980)

GEREZIAK NON DIRA...
      (1981)

MAITE ZINTUDA
      (1984)

  literaturaren zubitegia  

 

 


Hasierako orrialdera

 

 

EZ BEHA POETARI

        Jean Louis Davant , 1986

 

 

Ez beha poetari

zuk pentsatzen duzuna

gora gora baitio.

 

Ez beha poetari

zuk asmatzen duzuna

hark oihusta baitiro.

 

Zuk ixil-ixilean

duzuna izkutua

jarten du gurpilean

eta mundu zabaletik

dabila segeretua.

 

Zure amets beroak

nunbait sua pitz diro

zeren buru xoroak

horren zai daude gero!

 

Ez beha poetari

ameslari huts horri

petrolik baduguno.

Ez da eskas oraino

eta geroan ere

beste zerbait badate

 

nuklearra eta

bestela nik dakita

eguzkia,

ilargia...

Beti zerbait badate

ezin geldi «le progrès»!

 

Ixil bedi poeta

bai laster ixil bedi

poeta xoro hori!

 

Bai zera...

Zuek autopistak

zarete utopistak!

 

Badakizu laguna

zu zarela poeta

zeren aragiaren

xoko gorde batean

mintzo zaizun botz hura

min bizi bitzi hura

utopiaz betea

 

zentzu ona duzula.

Lehengo egungo ta

biharkoen mintzoa

arimaren oihua

munduaren erantzuna

alderantziz ez bada

zu batean xertatua

ezin dezakezu ixilaraz

hura baita poeta

eta zutan baitago

betiko!

 

© Jean Louis Davant    

anonimoak

 

mendeak
15
16
17
18
19
20
21

 

poemen
aurkibide
alfabetikoa