ZURRUNBILOKA ITZULTZEN DIRA

        Luis Garde , 2007

Zurrunbiloka itzultzen dira

sargorialdiak

beren uniforme izerdituaren usainarekin.

Ausaz azkenengo aldiz begiratzen dut

iñurri bat nire ahurrean.

Bihar agian hormiga izanen da.

Hegaltxo gardenak astinduz

lurra bilatzen du.

Lurra edo bizia bilatzen du nire eskutik at

bihar edo etzi vuelo-a izanen den horretan.

Gerlaren partea:

gaurkoan horrelako hitza zauritua;

bertze halakoa desagertua edo hilda.

Argi ezbaitsuaren hareatzeetan

esku hutsez

izen bizidunen inurradura

bilatuko dut.

Zein arraroa baina hegaldi hori.

© Luis Garde