A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

KAFETTOA SEMINARIOAN
      (1923)

PIP' ETA TU
      (1923)

DEIA
(Rythmes modernes)

      (1935)

ENE KAIOLAN BI XORI
      (1938)

  literaturaren zubitegia  

 

NERE MAKILA

        Piarres Ithurralde , 1932

 

 

Begiztatua nuen aspaldi mendian

mizpirondo xuxen bat sasien erdian.

Handitzerat utzi dut eta harekila

aurten egin dut nere... eskualdun makila.

 

Bi erroden gainean joaiten ez ikasi

Burdinbidetan, aldiz, sabela nahasi.

Bainan non dut karrosa? Non dut beribila?

Oinez beti banoa... eskuan makila.

 

Kana delako baitzu hirian baituzte.

Hoitarik gehienak deus guti, nik uste.

Ez dut hoik bezain herbail nik nere kabila

eskuan dudalarik.... eskualdun makila.

 

Askotan ikusi tut ibilki herrian

aitzindari erneak ezpata gerrian.

Bekaiztia niganik urrun joan dadila

zeren eta baitut nik... eskualdun makila.

 

Igandetan goiz-goiza, xamarra emanik

etxekoandreari agur bat erranik

entzun-eta oihuka dorreko ezkila

ni banoa harturik... eskualdun makila.

 

Nere sakelak nahiz ontsaņo miatu

jira zait behin gizon bat... Bainan zer gertatu?

Segurki ez du erran batere ez nakila

ibiltzen eskuetan... eskualdun makila.

 

Jaunak begira neza luzezki munduan

bai eta ezar gero betikotz zeruan.

Orduan, haur maiteak, otoi ! nerekila

emazue hobian... eskualdun makila.

 

Gero zeruetako mendi ederretan

eta hedoietako izar xurietan

Jainkoaren alkitik han hurbil-hurbila

ibiliko naiz lerden... eskuan makila.

 

Begiztatua nuen aspaldi mendian

mizpirondo xuxen bat sasien erdian.

Handitzerat utzi dut eta harekila

hemen egin dut nere... zeruko makila.

 

© Piarres Ithurralde    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko