ABCDEFGHIJKLMNOPRSTUVZ


armiarma

 

Egile berarenak:

 

EZ AZKARRA BAI SAIATUA, 1
      (2008)

POSTALA
      (2008)

ZAINDARIAK
      (2008)

LITERATUR BALIABIDEAK
      (2008)

LOTSA VASCONIAN
      (2008)

  literaturaren zubitegia  

 

 


Hasierako orrialdera

 

 

BANINTZ

        Ibai Iztueta , 2008

 

 

Jakina, gehiago da ez naizena.

 

Izan, banaiz zerbait, egia: gaur,

hemen, hogeita zortzi urteko gizon gaztea,

hitz bila.

 

Baina, jakina,

gehiago da ez naizena.

 

Izan nintekeen udaberri goiz baten sosegua

eta lagunak erreka ertzean otordua egiten.

 

Izan nintekeen oihu larria

hondakinen azpitik laguntza eske.

 

Lora nintekeen zuri, Kyotoko

gereziondo batean.

 

Baina, ez.

Itxura denez, lurralde promestutik osturiko

belar izpia, naizen hau:

eder eta handi den zerbaiten

oroigarri txiki, ezdeusa.

 

Galde nezake:

besterik banintz, zer?

 

Ordea, denboraren igarotzearekin,

geure burua ongiegi ezagutu dugularik,

hura samur estimatzen eta zaintzen ikasi dugu.

 

Garenaren neurri abegitsura

eginak gaude.

 

Eta ez denaren ilunpera

lerratuta desegiten zaizkigu banintz

eta gisako galderak.

 

© Ibai Iztueta    

anonimoak

 

mendeak
15
16
17
18
19
20
21

 

poemen
aurkibide
alfabetikoa