ABCDEFGHIJKLMNOPRSTUVZ


armiarma

 

Egile berarenak:

 

BANINTZ
      (2008)

EZ AZKARRA BAI SAIATUA, 1
      (2008)

ZAINDARIAK
      (2008)

LITERATUR BALIABIDEAK
      (2008)

LOTSA VASCONIAN
      (2008)

  literaturaren zubitegia  

 

 


Hasierako orrialdera

 

 

POSTALA

        Ibai Iztueta , 2008

 

 

Nik ongi maite zintudan.

Eta zuk ongi desio ninduzun.

 

Ordea, nik zu desio bezain trakets

zuk ni maite: gerorako beti,

pauso bat atzeraka beti.

 

Hala nola gauak eta egunak,

batak ukitzen zuen zerutik

alde egiten zuen besteak.

 

Oskorriaren engainu ederrean,

halaxe bizi izan ginen

gauzak pixka bat aldatu artean.

 

Orduko hartan ordea,

zuk ninduzun bezala desio izan nuen nik

 

eta nik zintudan bezala

maite izan ninduen berak.

 

Eta gaineratikoan

gure arteko hartan bezain ongi genbiltzanez,

gau eta egun elkarrekin gara.

 

Lehengoan eperretara irten genuen biok.

Atsegin zenituzkeen: papoan pinporta

beltzekiko txoritxo potolo

moko gorri, nabar batzuk.

Zoriontsu naiz. Ondo nago.

 

Zu ere hala bazaude, hobe.

 

© Ibai Iztueta    

anonimoak

 

mendeak
15
16
17
18
19
20
21

 

poemen
aurkibide
alfabetikoa