ABCDEFGHIJKLMNOPRSTUVZ


armiarma

 

Egile berarenak:

 

GEHIENEAN
      (1969)

KAIUAREN BEGIAK
      (1969)

NEREAK EZ DIREN HAUETATIK
      (1971)

JAUNGOIKO GUZTIAK
      (1971)

MARI SORGIN
      (1971)

UNE BATEAN
      (1971)

EZIN IZANIK
      (1971)

EGUN ILUNETAN NABIL
      (1977)

ERANTZUN ISILARAZIAK
      (1977)

ELKARRIZKETA LUZE BATEAN DIHARDUGU
      (1977)

FANTASIA BAT
      (1997)

  literaturaren zubitegia  

 

 


Hasierako orrialdera

 

 

OHERATUKO NINTZATEKE

        Amaia Lasa , 1977

 

 

Ni, zuekin, denokin

oheratuko nintzateke.

 

Munduko udazken guztietan

izango nintzateke

ikusirik

nola berdea

urrearen antzo

gorritzen den.

 

Ni,

uhin gainean

uhin handiaren apar artean

herioaren beldurrik gabe

izango nintzateke.

 

Ni,

airean

nire herriko karrika artean

igeri ibiliko nintzateke.

 

Ordez,

gauza horiek

hala ez diren bitartean.

Berarekin oheratzen naiz.

 

Herri txiki batean bizi naiz.

 

Itsasoa bare dagoenean

igeri egiten dut.

 

Karrika arteko haizea

arnasa hartzeko

erabiltzen dut.

 

Izpirituak ametsaren

zentzua

gal ez dezan.

 

Ez direnak

direino.

 

Ni,

marmokaren beso urdin artean

urrunduko naiz.

 

Izango dena

izatera heldu artio.

 

© Amaia Lasa    

anonimoak

 

mendeak
15
16
17
18
19
20
21

 

poemen
aurkibide
alfabetikoa