ABCDEFGHIJKLMNOPRSTUVZ


armiarma

 

Egile berarenak:

 

ZUBI HONEN GAINEAN
      (1986)

DONALD JUSTICE-REN ARAUERA
      (1993)

LEHENENGOZ
      (1993)

  literaturaren zubitegia  

 

 


Hasierako orrialdera

 

 

HITZAK

        Andolin Eguzkitza , 1993

 

 

Hitzak ditut adreilu bakarrak,

labur eta luzeak,

bihotz handiko eta meharrak,

neure abaroa eraikitzeko beti ere eskura dauzkadan

tresna bakarrak:

Bilbon edo Hamburg-en,

Gasteizen edo Iruņean,

goizaldeko hiruretan itzartzen naizenean

ohean edo

hutsesten zaitudan guztietan.

 

Trenez eta automobilez,

neguminez eta udabetean,

iparraizea datorrenean

hotzez,

edo hegoaizeak

beroz

zoratzen didanean gorputza.

Hitzak ditut adreilu bakarrak.

 

Horma sendoak egiteko

harritzarrak bezalakoak baitira,

lurrikaretan eta haizezurrunbiloetan,

gorrotoaren denboran eta

barre eta amodioa egitearenean,

betiereko azken agurreraraino

zure besoen faltan

estalpe xume eta amoltsua

eskaintzen didaten bakarrak.

 

© Andolin Eguzkitza    

anonimoak

 

mendeak
15
16
17
18
19
20
21

 

poemen
aurkibide
alfabetikoa