EZ DAKIT

        Jose Inazio Lasa , 2012

Ez dakit askorik

belaontzi magikoaren norabideaz,

haren ekuazioez,

gizakien begi aurrean

mundu bat osatzen baitute.

Izatean,

kiribildurik,

argi ezezagunezko espirala,

infinitua deritzogun hori.

Goldeak zulaturiko

soroetara itzuli,

jainkotasunerantz

joateko aukera nirea,

barruan baitut,

kulunkatzen bainau,

ezagutzen bainau

izenik gaberik

© Jose Inazio Lasa