A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

GORREN DANTZALEKUAN
      (2013)

OROITZEN BADUT
      (2013)

GORREN DANTZALEKUKO ISPILUETAN
      (2013)

  literaturaren zubitegia  

 

NAHIKOA SUFRITU DUDALA USTE DUT

        Aritz Mutiozabal , 2013

 

 

Nahikoa sufritu dudala uste dut:

bihar ez naiz esnatuko

 

biluztu nahi banauzu,

bakardade batetik bestera egin beharko duzu jauzi

 

airea hotza da, airea hotzegia da

nekatuegi nago gainera

kristal malkoak bizkarretik isurtzen zaizkidanean

urre gorriz ziztatuak

errespetua galtzen ari zaidan seinale

 

ifrentzuan ketu ditut ametsak:

fedeak konpromiso gehiegi eskatzen dit

eta nik ezin ditut erantzun,

kode ezezagunetan daudelako zizelkaturik

 

Eta ez dut sobera indarrik

burua jaten didan mamua garaitzeko:

begiak itxi eta oroimenean galdu nahi dut

 

biluztu nahi banauzu,

larrutu nazazu, ez naiz ezkutatuko

 

© Aritz Mutiozabal    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko