ABCDEFGHIJKLMNOPRSTUVZ


armiarma

 

Egile berarenak:

 

HERRIAREN TABERNA
      (2014)

KAPITALA
      (2014)

TRACTATUS MAGNANIMUS, 3
      (2014)

NIRE KREATZAILEARI
      (2014)

NON ZAUDE
      (2014)

  literaturaren zubitegia  

 

 


Hasierako orrialdera

 

 

HEREDATU NUEN

        Jule Goikoetxea , 2014

 

 

Berandu agurtu ninduzun

arratsalde despistatu hartan

goiztiar jaio bainintzen

horrela zioen agenda

besapean:

 

«Hiru urterekin kaskoa eskuratu

altzairuzko batea zazpirekin

armarri osoa hamahirurekin.

Eta hiltzera!»

 

Orain

zure gorputzaren

hutsaldi jasanezina

nirean egokitu da

bizitzera

            gesalbegiz

 

ziurtasuna

giharrak estutzen

pasioa deritzan lurralderik gabeko

zauri alderrai honen

oroimen bortitzean.

 

Zu zenduta

nigan bertakotuko da pasioa

mundua ohartu arte

hemen barrena ibili zela

elkarrekin idatzi genuen

historia honen uneren batean

penarik

kulparik gabe

heredatu nuen

heresia alai

 

kiebra

heredatu nuen

diziplina

 

ohitura

heredatu nuen

inkisizioa

            desafiatzeko

            ahaleginean lehertu gabe

xuxurlatzen zenidan egunero

ikastolara eramaten ninduzunean

zure betiberanduan

nik, graziaz eta ostia ozpinduz betea,

heredatu ez nuena.

 

Bizia heredatu nuen

kostaz osatua

minez eta erresistentziaz gainez egindako

baretasuna

 

umiliazioa fabrikatik dator

gizartean

horregatik hitz egiten genuen

institututik bueltan

errespetuaz eta ekonomiaz

ekonomiaz eta politikaz.

Gipuzkoarra zen ogasuna

bilbotarra speeda.

 

Begitan dut

ziurtasuna

giharrak estutu eta

dardaratzen dituen hori,

pasioa deritzan

lurralderik gabeko

denbora alderrai honetatik eraitsitako

hauskortasunaren oroimen iraunkorrean.

 

Zu zenduta

nirean bertakotuko da pasioa

antzematen duen arte munduak

hemen barrena ibili zela dantzan

elkarrekin idatzi genuen

historia honen uneren batean

            gauero

            Gordon's bakoitzeko

zure partzialitate alprojarekin nik,

graziaz betea,

heredatu nuena.

 

 

© Jule Goikoetxea    

anonimoak

 

mendeak
15
16
17
18
19
20
21

 

poemen
aurkibide
alfabetikoa