ABCDEFGHIJKLMNOPRSTUVZ


armiarma

 

Egile berarenak:

 

GOGOAN ZAITUGU
      (1989)

EZIN UKANA
      (1989)

GOIZEKO BORTZETAN
      (1989)

  literaturaren zubitegia  

 

 


Hasierako orrialdera

 

 

GURE BARATZEAN

        Henriette Aire , 1989

 

 

Ateak hetsi dauzkigute

Gure baratzean arrosek

Ez dutelakotz arantzerik.

 

        Gure orenkaria beti lo dago

        Eta ez dugu egutegirik

        Bihar eginen duen denboraz

        Ez dugu kezkarik

Bainan gure baratzean arrosek

Ez dute arantzerik.

 

        Ez dugu bihotzean herrarik

        Ez ere ele zuririk

        Ez dakigu ikustatez

        Egiten irriparrik

Bainan gure baratzean arrosek

Ez dute arantzerik.

 

        Haurrak ez dabiltza

        Larderiaren katinez loturik

        Heien gorputzak ez du jastatu

        Azotearen sumintasunik

Bainan gure baratzean biltzen dituzte

Arantze gabeko arrosak.

 

        Eta ateak hetsi dauzkigute

        Gure baratzean arrosek

        Ez dutelakotz arantzerik.

 

© Henriette Aire    

anonimoak

 

mendeak
15
16
17
18
19
20
21

 

poemen
aurkibide
alfabetikoa