A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

POEMA HIDRAULIKOA
      (1998)

KRETAN IDATZIA
      (1998)

LEIHO BAT ERDIREKITA
      (2002)

OZEN BARRURANTZA
      (2002)

NIRE LEKUA
      (2009)

USTEZ MAITASUNA
      (2009)

HILKETA IRUDIMENEAN
      (2009)

ZURTASUNA
      (2009)

  literaturaren zubitegia  

 

IAZKO URTEBETEAK HASI DIRA USTELTZEN

        Igor Estankona , 2009

 

 

Alkandora malkoen urarekin plantxatzen.

Negarrez udaberrian.

Onartuz, emeki, dena.

Zure buruari baimena emanez

pentsamendu alaiak eduki ditzan.

 

Anputazioaren mina

eta kimu berriak,

egarriz hiltzen ari da

iturria.

 

Kalea laburra, meharra

eta iluna da,

baina handik gora bakarrik daki

bihotzak joaten.

 

Hiletetatik hartuz

soilik loreak.

Hiroshimatik hartuz

gauza atseginak.

 

Iritsi zara, kanpoan eguzkia,

inoiz ez bezala

eta bidearen amaieran

goroldioz estalitako harri baten gainean

txindorraren hezetasuna.

 

Hark ez du migratzen,

kantua da, kantua zuretzat.

 

© Igor Estankona    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko