A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

MAITE ZAITUDALAKO
      (1980)

ERRUSIAKO ESTEPETAN
      (1987)

BIZITZA
      (1987)

GALTZEKO LURRAK
      (1995)

MUNDUA
      (2007)

IRAULTZAK
      (2007)

ARITMETIKA ARIKETAK
      (2007)

ABERRIAZ ZELAN AHAZTU
      (2007)

  literaturaren zubitegia  

 

INDUSKETA

        Jose Luis Otamendi , 2007

 

 

margoak aurkitu dizkidate

ahoko zuloan

antzinako zibilizazioren baten

ikono gordeak...

 

ikerlariak irudiok aztertzen unatuta

atseden hartuko dute hagin belztuen gainean

esploratzaile bat aurrerago ausartu eta

troka zulo batetik oihu lazgarri samarra egin du

ez duela betiko nahi eztarri hotz horretan

 

barkamen eske epela egin dit haginlariak

aspiragailuaz ito-larria eragin didalako

(ez sufritzea zoriona da

minik eza da bakea...)

luiziak izan dira ezabatutako arrastoak

hezur hotsak eta ur lasterrak...

jende sailak ikusia naiz kontsultan ahoa zabalik

atzapar arrotzek noiz arakatuko

 

noizbait eremu babestu izendatuko naute

edo naturgune berezi edo ondare artistiko

eta bisitarientzat erreplikak egingo dituzte

hortzak kamuts aho sabaia arriskugabe

hatsa gozo bilaka dakidanean

eta nire ahoari buruzko kronikak

idatziko dira udako egunkarietan

 

© Jose Luis Otamendi    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko