ABCDEFGHIJKLMNOPRSTUVZ


armiarma

 

Egile berarenak:

 

ZORIGAITZEZKO EUSKADI!
      (1937)

ITSAS-LAPUR
      (1940)

HILA DA
      (1940)

ZARRAPO...
      (1940)

IXILIK JAUTSI ZINEN
(Gerlan hil anaiaren
gorputza herriratu)

      (1948)

BANAKI...
      (1957)

  literaturaren zubitegia  

 

 


Hasierako orrialdera

 

 

NUN HABIL ORAI?

        Iratzeder , 1946

 

 

        Etxahun!

        Izen bero, izen ilun...

 

Nun habil orai, Etxahun, zoin bidetan kantuz,

Hire pertsuņo minkorrak jender karkailatuz?

 

Hire bihotz kartsu eta zabalegi hori

Bidetan ote deramak zarrapo ta zauri?

 

Herrestan ote haiz beti beilaz beila joaki,

Ezpain zimurrak irri, barnea urriki?

 

Ez ote ditek gehiago, ontsa bazkaldurik,

Kikera zolan kausitzen hire trufa txarrik?

 

        Etxahun!

        Izen bero, izen ilun...

        Etxahun!

 

Xiberotarrak hastean jauzi errabian,

Ez ote haiz hor kantari dantzaren erdian?

 

Elizen hiru dorreak ari direnetan,

Euskaldun zintzurren bortxaz, kantu daldaretan,

 

Ez ote haiz hor, Etxahun, bozek airatua,

Zerurat eskaintzen ari euskaldun kantua?

 

Hor haiz ote aize luzek, gau-intzirak lagun,

Gauez gau diotelarik: Etxahun, Etxahun...?

 

Hor bertze Etxahun baten deiadar beroa

Guziak pizten aitzean: "Agur, Ziberoa..."?

 

        Etxahun!

        Izen bero, izen ilun...

        Etxahun!

 

Hi bezein pertsularirik ez duk orai nihun...

Begia ortzi ta ximixt, jeiki ba Etxahun.

 

Badituk bai noiz edo noiz xutitzen direnak

Eta arno-sukarrean pertsutan dauzinak,

 

Bainan hik bertze sukarrik, bertze surik huen:

Minez, maitez, errabiaz hintzen hi pertsutzen.

 

Ai, iragan, inarrosiz euskal lur hoztua;

Haugi nola gau-itzala, nola hil-zeinua...

 

        Etxahun!

        Izen bero, izen ilun...

        Etxahun!

 

Entzun beza nork edo nork, hire deia, entzun;

Eta gora egin bezo pertsuka oiharzun.

 

Euskal minak eta suak hezurretan jana,

Jalgi bedi oihutzeko bihotzen auhena.

 

Hezur ta larru doala kantuz eta eske,

Munduko bidetan bilduz jende-trufa merke.

 

Bai, doala, bidez-bide eta beilaz beila,

Euskal anaien amorez Jainkoaren bila...

 

© Iratzeder    

anonimoak

 

mendeak
15
16
17
18
19
20
21

 

poemen
aurkibide
alfabetikoa