ABCDEFGHIJKLMNOPRSTUVZ


armiarma

 

Egile berarenak:

 

KOPLA GALAIAK
      (1982)

EZ DIOT HAIZEARI UTZIKO
      (1986)

DESAMOREA
      (1989)

  literaturaren zubitegia  

 

 


Hasierako orrialdera

 

 

ORDOXELAIKO BIDEAN

        Joxe Austin Arrieta , 1995

 

 

          Artezilariei deitu beharko

          desamore hauen mekanika

          delikatua desaktiba dezaten.

 

          Eta bihotza habitatzen digun

          ezezaguna errito swahiliz

          ahal dezagun behingoz uxatu.

                              («fukuzwaye yeye mgeni»)

 

                    Euria ari baitu

                    aspaldiko partez

                    lekaro soil hauetan

                                        horbel hitsaren kraskada

                                        eta ur uherrez harro erreka

                                        denboraren euri atergabez.

 

(«Victimae Pascali laudes

immolent christiani»,

Abraham, Abraham...)

                                    («sekula» hitzik ez aipa,

                                    oinarria ez dago tinko zapal

                                    tzaileen hitza amaitzean za

                                    palduen mintzoa da hasiko)

 

 

                  Telefono hariak aspaldi moztu baitzituzten

                            otarrain karrankarien komando

                            inkontrolatuek erraietan

                            eta Danton guztiak higatzen ari

                            osasunezko espetxeetan txandako

                            Robespierreen gilotinaren zain

                            gorrotoaren toberak ankerki urratu

                            haurtzaroko argazki amoltsuak eta

                            garrazki lehertarazi ulertezinaren

                            hegazkinek poema ingenuoak oro txo

                            stalingrado luze honetan mozkortubak

                            eta ganibet fin zorrotzak atezuan

                            tristeziaren begirada sorgorretan

                            larmintzaren guritasun gurinezkoaren

 

                            artisautza maratz zehatzean zaurgarri

                            uste guztien pronostikoen arabera

                            zapart eginak baitira inoiz ere apika

 

                            laztanezko lanabes inozent izan ez diren

                            aho kutunen nabastarre bazkalondoarrak

                            ganibet labanduak orain odol-horbeletan

                            karraskari eta behinolako irri-karkarak

                            ubel-lauso hain urrun...

 

(«errota zahar maitea

          uraren ertzean

          uraren ertzean-da

                    basati beltzean»)

 

                                      Otordu amankomunen

                                      xarma inkariotsua aspaldi

                                      bihurtu baitzen herdoil

                                      ugerrezko larrosa horzkari

                                      ibaiaren geldotasun uhertuan

 

                                                        («negar egiten duzu

                                                        alea txetzean.

                                                        ni ere triste nabil

                                                        zutaz oroitzean»)

 

          Bizitzak urteak baitaramatza

          zauri niminoak miniaturazko

          milizkaduren mikrouhinetan

          astirotsu suntsitzen su  ama

                                            ta  tu  ak.

 

                                                  Etxea bete ur.

                                                  Odolez harro datorren

                                                              erreka honetan.

 

(«sepulchrum eius viventis

... 

et gloriam videam

                          resurgentis» )

 

 

                                      Euria ari baitu

                                      aspaldiko partez

                                      gure kromletxaren in-

                                      guruan in-gudean in-

                                      fernuan.

 

              Sicut dicebamus hieri.

 

© Joxe Austin Arrieta    

anonimoak

 

mendeak
15
16
17
18
19
20
21

 

poemen
aurkibide
alfabetikoa