OINETAN LOKARRI
(Eta bihotzean korapilo)

        Juan Kruz Igerabide , 1997

Oinetakoak lotu eta askatu

aritu da haur bakartia

arratsalde osoan, isilik.

Zaintzen duen neskak

irribarre egin dio, harriturik.

Atea jo dute; nor ote?

Haurrak bere lanari utzi dio.

Atean amaren aurpegia agertu da.

Haurrak lanari ekin dio berriro;

Oraingoan, bihotzeko

korapiloa askatu du.

© Juan Kruz Igerabide