ABCDEFGHIJKLMNOPRSTUVZ


armiarma

 

Egile berarenak:

 

ITAUN LUZEAK
      (1989)

POETAK ZIRELA
      (1996)

BADAEZPADA
      (2001)

DOSIA
      (2003)

KITATZEKO TENOREA
      (2009)

HEROIAREN BORONDATEA
      (2009)

DENA ERRAZA ZEN GARAIAN
      (2009)

ZENBAIT DELITU
      (2009)

  literaturaren zubitegia  

 

 


Hasierako orrialdera

 

 

EROSI MAPA

        Juanra Madariaga , 2009

 

 

Bazterretako mapa geografikoa

bidaia agentzia batean eros daiteke,

tour ederra proposatuko dute

desertu periferiakoetan barrena.

Bakardadea, nork berea batu bideari ekiteko.

Hegoaldera luzaturiko begirada galduak,

arrotzak, okerrak, absurdoak, akastunak,

denak dira horretan monumentu nazionalak.

 

Muturretako demonioek

erreka magalak betetzen dituzte,

txoriak joanak dira toki honetatik, British Airways,

alfonbra koipetuak baino ez ditugu zapalduko,

deslekuetako hizkuntza berri eta

paraplegikoa darabilte biztanleek,

arnasa hartzeko aparatuak ere

zaharregiak dira funtzionamenduan.

 

Atrakzioa egongo da nonahi.

Igo gure tranbiara eta ez duzue ordainduko

hemisferio honetako bitakorako poemak

irakurtzen ez badituzue.

Barneratuko zaizkizuen zantzuen artean

lirismo groteskoa, distortsioa, aseezintasuna, desoreka,

zirriborroaren erreinua, poesiaren tentsioa aurki daitezke.

Salgai daude orratzez zeharkaturiko hasperen bildumak.

 

© Juanra Madariaga    

anonimoak

 

mendeak
15
16
17
18
19
20
21

 

poemen
aurkibide
alfabetikoa