ABCDEFGHIJKLMNOPRSTUVZ


armiarma

 

Egile berarenak:

 

HITZ LIME AIRE BAT DABIL
      (1991)

ANA YOLDI GOMEZEK
      (1996)

JOXERRA AGIRREK HIES FROGAK EGITERA JOAN ZENEAN
      (2000)

  literaturaren zubitegia  

 

 


Hasierako orrialdera

 

 

EURI EZA ETA BIZI-ARAZOAK DIRELA MEDIO

        Juanjo Olasagarre , 1991

 

 

Euri eza eta bizi-arazoak direla medio

sentimendu demografiak

urrikuntza ikaragarria hartu du

atxiloketa ugariak

gauez gau

nekez heltzen dira

egun lanbrotsutako zirraren

espetxe guttunak

noizbehinka lerro hits batzuk

uhuri gargail gisa

isiltasuna gero

errefuxiapenak urrutiko herrietara

—perzepzio bestelakoen erresuma ilaun—

estradizio uholdeak

heriotz zigor akitzen dira

gure burua maite duguneko jats beltza esaterako

hilobi amankomunean datza

hira lits urgunekin batera

desioa gau-haginetan

itzultzen da doi

ihes egiteko berehala

atzipe ez dezaten

proteina dugun hogena

zokorik ilunenetan gorde behar izan da

azken heroi bezala

ekintza suizidetara behartua dago

euri eza eta

bizi-arazoak direla medio

sentimendu demografiak

urrikuntza ikaragarria hartu du

lurralde okupatuan bizi

lurralde okupatua izan.

 

© Juanjo Olasagarre    

anonimoak

 

mendeak
15
16
17
18
19
20
21

 

poemen
aurkibide
alfabetikoa