ABCDEFGHIJKLMNOPRSTUVZ


armiarma

 

Egile berarenak:

 

BERDIN DIO
      (1989)

AMAREN HIZKUNTZA SAMURTASUNA DA
      (1998)

INTERESATZEN ZAIZKIDANAK
      (2003)

  literaturaren zubitegia  

 

 


Hasierako orrialdera

 

 

SENDIARTEKO ARAZOAK

        Pako Aristi , 1996

 

 

Eguzkiaren bisaia arratsalde

erorian laborarien joanak biluzik

utzitako soroak ikusirik

lotsaz gorritzen hasten denean,

basetxeko biztanleak

etxearen eta gereziondoaren artean

epel dagoen soilgunea gozatzera

ateratzen dira.

Laster senarrak haur ugariz beteta

begitanduko du soilgunea, denak

kanpanbueltaka eta bizkar-gaineka jolasti.

Emazteak zertxobait bidaiatu nahi du oraindik:

aitona hiltzen denean

ikusiko du soilgunean zer jarri.

Aitonak beste arbola bat sartuko luke,

intxaurrondoa edo,

gelditu dadila zerbait

(itzala, intxaurrak, oroimena)

ondorengoentzat.

Anaia gazteak motoarentzat uralita

jartzeko leku ezinobeagoa dakus,

euri-jasek haragi bizian

uzten baitute karrozeria.

Enara, beti bezala,

denek alde egin zain daukazu,

irentsitako eltxoak

ilundu baino lehen

umeei emateko itxaropena

galdu gabe.

 

© Pako Aristi    

anonimoak

 

mendeak
15
16
17
18
19
20
21

 

poemen
aurkibide
alfabetikoa