A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

LOTU NAUTE
      (1964)

BIZI DUT IHESKOR
      (1974)

AMETS ETA NEKE
      (1975)

  literaturaren zubitegia  

 

ALAIZAKO ZALDUNAK

        Pello Zabaleta , 1992

 

 

Intzentsu lurruna itsatsirik daukate

gerrarako zaldun prestuek saetera barnetan

        gerra izan da beti

        soldaduaren zeregin

monje bakartiaren amets

nola ezarriko horma zabarrean hainbeste edertasun

gizaldien ezkutuan okrea delarik nagusi

argiari bideak hertsi eta ireki

apenas atera berriak oraindik arbasoen kobatik

abside borobilera

        zer dira hegazti horiek

        gudarien oinetara jarriak

        bakearen usoak ez dira

        gerrako arranoak ez dira

        oparigai ez dira

        zer dira hegazti horiek

        gudarien oinetara jarriak

bide ertzeko elizatxora jasoak daude oroimenak

ahantziak erretaularen ostean mendetan

oroimen halere hormako

zaldun eta dama eta hegazti

saindutegiak sainduak

intzentsu lurrunez sagaratuak ezkutuan.

 

Gudari hilotzari ez diote negarrik gazteluko dama galaiek

bizitzako zaldun-gudu zitalean hiltzea baita patua

etsaia norbera denean urrunera joan gabe,

hertsi dizkiote begiak, tolestatu armak,

alferrik zaizkio galaitasunak eta malkoak,

lau zuziren argi beltza dabil betiere zuriaren xerka hutsalean

        egizu argi hemen

        aurpegia dauka beluri

        zaldun hil bipilak

        kriseilua zegoen lekuan

nor garaitu ote du zaldunak abside hutsera jaso dezaten

nork hil du zalduna dolua egin diezaioten festakiro.

 

© Pello Zabaleta    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko