A
B
C
D
E
F
G
H
I
J
K
L
M
N
O
P
R
S
T
U
V
Z
anonimoak
 

Egile berarenak:

 

Egile berarenak (+)

 

ERANTZUKIZUNA
      (1998)

BISITA
      (1998)

IRRATSAIAK
      (1998)

  literaturaren zubitegia  

 

BIZITZAREN KEA

        Xabier Izaga , 1998

 

 

Arratsalde osoan ez da sumatu

        ohiko burrunba etengabea,

bosgarren zeldako gaixoaren kantu,

        garrasi, danba izorranteak;

 

goganbeharra eta tristura nagusi

        arratseko tenore goibelean,

eta zeinen jasangaitza zarata

        gogaikarri haiek ez entzutea!

 

Bat-batean munduan bakar naukan

        isiltasuna hausten

mila oinots bortitz, mila ahots urduri

        korridorean zehar,

 

eta ate azpitik sartzen

        ke ikusezin hori,

bizi iraungi berri baten kea, isilka

        iritsi den herioren kiratsa.

 

Galeriako bizilaguna,

        lagun bizia zena,

ohean zerraldo idoro dute

        inoiz baino geldiago.

 

Bizkitartean gauak bere ilegurizko

        mantu iluna hedatu du

eta niri gogora datorkit atzo

        bonbila berri bat ukatu zidan

        mixerablea.

 

© Xabier Izaga    

mendeak
Basquepoetry ataria Susa literatura argitaletxearen egitasmoa da, euskal poesia zabaldu eta ezagutarazteko