ILLETA-ERESIA

        Jautarkol , 1926

Ia negarrez igotzen nintzan

        kanposantura lenago;

orain billera txoroak baño,

        kanposantura naiago.

bakardadea orain naiago

        dantza ta iskanbilla baño:

argatik pozez arratsaldero

        noa kanposanturaño.

Badakit orain nola ari illekin

        ixil-ixilik izketan:

orra zergatik gizonagoa

len baño naizen benetan.

Adiskideak...! Ez egin negar

iltzen naizen egunean:

Zergatik nehar, gaur gaitza junda

        euzkia piztu danean?

Biotzez ta aoz otoitz beroak

        egan bidali Zerura...

T'esan; Gaur il da Euskal Erriko

        olerkari gaxo ura.

Adiskideak...! Ez egin negar

        nere illobi bazterrean;

exeri t'egon ixil-ixillik

        nekin izketa luzean.

Arrizko gurutz aundi bat baizik

        ez nere gañean jarri;

eta lorerik zeren eskutan

aruntz netzat ez ekarri.

Bañan, ez kendu gurutz-alboan

jaioko dan untz-orria,

ta ez uxatu gurutz-gañean

kantari dagon txoria...

Nere illobiko gurutz

        arrizkoa

esnatu arte zaindu

                nere loa.

© Jautarkol