EUSKERA

        Pedro de Anasagasti , 1980

Euskera,

zer zera?

Ezpañ lorea?

Aoan sor zait itza:

zentzunak eman dio nortasuna,

eztarriak otsa,

mingañak sua,

ezpañak txukuntasuna,

Euskera,

zer zera:

itzen bilkera?

Bat ta bestea ezkondu,

danekin maiz jokatu,

naastu,

astindu,

erreskadan atera.

Barruko argien asiera,

zentzunen egabera,

jakinen ezaguera,

nortasunen jazkera,

gizon-jokera.

Euskera,

zer zera?

Iturburua.

Gizaldiak lepoan,

gure asaben,

ames, negar ta atsegin

zure urak daramate.

Santimamiñ leizean

sortuko sua.

Zure itz zarrenen

illeak

gizaldien arantzetan,

dindiliz,

jantzi dute eun gizaldi.

Euskera,

itz, soñu, baso, pago.

Euskaierriaren mamia,

poz ta samiña

zure kolkoan.

Ezpañetan baita bost izkuntza.

Biotzetan zu

bakarrik, euskera.

© Pedro de Anasagasti