BARNE MUGEN ERABAKITAN POTO EGIN

        Alex Azkue , 1981

Barne mugen erabakitan poto egin

eta amildegian behera erori

ate zaharren zerrailetan barrena

gozotasun bila abiatzeko.

Ate zahar, ustel, bipiatu,

lore igartuen gordailu,

etsipen hosto horien,

birao kate hornitu madarikatuen bekatu.

Igaro eta borrokaren itxaropena,

haunditasun faltsuaren itzal pegakorra,

eskuak itorik burdin hotz lerdena

gorputzean desesperazio malkoz erantsia.

Jaio, bizi eta hil,

hiru bekatu nagusi,

argi saminetan, su koxkorrean

nortasunaren hauzi.

© Alex Azkue