LORETXO GAXOA
Satarka , 1957
Negarrez dago
Neskatxa...
Berekin dauka
Minkaitza!
Len, gazte ziņala,
Zurekin argia.
Udaberri ziņan,
Ta usai gozodun lilia.
Aurpegi polita,
Me eder, apaņa,
Begi dirdariak,
Eta gorputza liraņa.
Gau t'egun zurekin
Atsegintasuna...
Griņaldi txarrik ez,
Ta osasun agitz ona.
Negarrez dago
Neskatxa...
Berekin dauka
Minkaitza!
Bein zugana urbildu
Suge biurria...
Ta gaizkitu ziņan,
Neskatil zoragarria!
Betiko itzali da
Goizeko argia...
Ta loitan usteldu
Usai gozodun lilia!
Udaberri ordez
Zuretzat negua...
Ta zure zainetan
Odola dezu izoztua!
Negarrez dago
Neskatxa...
Berekin dauka
Minkaitza!
Illunabar beltza
Jatxi da lurrera...
Zaunkaka zakurra...
Neska gaxoa il da!...
Orain daramate
Lau mutilek ildegira!
© Satarka