OGEN LILIAK X

        Migel Anjel Unanua , 1989

Oi ameslari, jaso nahi lukete

Zorionean lander betidanik

Lurrean dabiltzan hoiek arlote

Kemen pota zure ezpainetatik.

Bai bait zaran horrenbesteko eder

Primu bihotzari diezaiola,

Arnas betez kutxatzen dituzun ber,

Su urrez astindu gogo kaiola.

Jo dezaten adorez mundu muga

Izuaz tenkatzen duen azula

Eta zorabio hutsaz erori

Daitezen gero berriro beldurga

Bizi txangoan jartzen dituzula

Heriozko zadorren mezulari.

© Migel Anjel Unanua