ITXAS ZABALEKO MARIÑELEN ABESTI LAZKARAK

        Juan Karlos Lopez-Mugartza , 1993

Itxas zabaleko mariñelen abesti lazkarak

ailegatzen zaizkizu olatuen zurrumurruarekin batera

brankako gazteluan

lermarik gabeko birjina desloratugabea

ozeanoetako uhinen gainean, belak haizatuak daudelarik,

itsasaldi honek bukatzerik ez izatea nahiko nuke

bainan zuk, irriño bat agertuz eta ameslari zerumugara begira,

lehorrean ibiliz ibili izerdiz arituko naizela ongi dakizu

halere, oraingo oin garbiak zikinduko zaizkidan arren

atzean utziko ditudan oinhatz sakonetan

gaurko fidantza berbera izanen dut zuretzat gordea

eta gaueko bero usuan, izarren argitan

nere zaurien gorritasun urtua harrotu eginen da

kostaldeko bazterretarantz zugana naraman kresalaren gaziaz

© Juan Karlos Lopez-Mugartza