BURU HAUSTEA

        Jokin Apalategi , 1979

Buru haustea goizean,

buru haustea jeikitzean,

buru haustea gauean,

buru haustea oheratzean.

Ate joka noiznahi,

ate joka nonnahi,

ate joka minan,

ate joka fabrikan.

Pentsa eta imajina,

ekin eta ezin,

itxaron eta etsi,

has eta utz.

Ezina etxean,

ezina kalean,

ezina sendian,

ezina jendartian.

Kapitaldunen makina,

burokraten elektronika,

tenokraten robota,

langabetuaren arima.

Lan alienatua pribilejio,

langile izatea potentzien,

bizitza oro karestian,

langabetuari zaio.

© Jokin Apalategi