EGUNSENTI BAKOITZAK

        Jokin Apalategi , 1979

Egun-senti bakoitzak bere eguzkia,

        laino bakoitzak bere eurialdia,

                Herri bakoitzak bere birjaiotza,

                        Euskal-herriak bere itzultza.

Itzultza bakoitzak bere bidea,

        larrosa bakoitzak bere lorea,

                erreka bakoitzak bere uraldia,

                        Euskal-herriak bere autonomia.

Autonomia bakoitzak bere helburua,

        landara bakoitzak bere fruitua,

                ama bakoitzak bere maitasuna,

                        Euskal-herriak bere askatasuna.

Askatasun bakoitzak bere lokarria,

        gau bakoitzak bere ilargia,

                abere bakoitzak bere janaria,

                        Euskal-herriak bere langileria.

© Jokin Apalategi