EZ DITUT NAHI

        Gema Lasarte , 1985

Ez ditut nahi mundu zerri honek

opa dizkidan mixeria zapuztuak,

ez dut nahi ezarri didaten izena,

ez eta munduko izen guztiak ere.

Ez dut hemengo deus desira.

Agur, baratz madarikatu honetako

landare kutsatuak.

Agur, ustelaren itzal hutsa.

Nik beste nonbaiteko zerbait nahiago dut

eta kitto.

Estresaren larrupetik zerura,

lasaitasunaren eta bakardadearen eremuetara noa.

Mundu zerri honek eskaintzen didan

gorotz bortitzik ez dut maite. Ez eskerrik asko.

© Gema Lasarte