MAITE ZINTUDA

        Jean Louis Davant , 1984

Maite zintuda eta

        orain ezin zaitut

Munduko tristuraren

        etsipen guzia

Maitasunen arratsak

        nostalgiaz dakar.

Hasperen bat bezala

        iluñabarrean

Iragan da zerua

        hegal ahul batez

Oroitzaren bizkarra

        ferekatu nahiz.

Haizea zinen beraz,

        odeia zen ote

Zurekiko denbora

        miresgarri hura?

Nigar egin gura dut

        bainan ez dezaket.

Zerbait arras ederrik

        ene baitan hil da

Iturri bat bezala

        zutaz agortu naiz

Eta husturik noa

        nere ganik urrun.

© Jean Louis Davant