NAHI NUEN KANTATU

        Landerretxe , 1853

 

 

Nahi nuen kantatu,

Alegera partitu,

Bainan, zer bihotz mina

Ene baitan da piztu?

Ene bihotza nola,

Nola daite kontsola?

Ene bihotza nola,

Nola daite kontsola?

 

Norat hoa, untzia,

Norat, utziz Frantzia?

Norat hola deramak

Orai ene bizia?

Ene bihotza nola,

Nola daite kontsola?

Ene bihotza nola,

Nola daite kontsola?

 

Bagoazi tristeki,

Ameriketan kausi,

Ustez gure gozoa:

Esperantza zoroa!

Ene bihotza nola,

Nola daite kontsola?

Ene bihotza nola,

Nola daite kontsola?

 

Zerek nau liluratu?

Hola zerk enganatu?

Egiazko onak utzirik,

Itzala dut hautatu!

Ene bihotza nola,

Nola daite kontsola?

Ene bihotza nola,

Nola daite kontsola?

 

Euskal-Herrian sortzen,

Ameriketan hiltzen,

Oi, zer zorte dorpea

Orai dutan bilhatzen!

Ene bihotza nola,

Nola daite kontsola?

Ene bihotza nola,

Nola daite kontsola?

 

Euskal-herri maitea,

Herri paregabea,

Hiltzea da neretzat

Hi gabe bizitzea!

Ene bihotza nola,

Nola daite kontsola?

Ene bihotza nola,

Nola daite kontsola?

 

Adios, ama maite,

Galtzen zaitut zu ere,

Ni zugandik urrunduz

Zenbat biziko zare?

Ene bihotza nola,

Nola daite kontsola?

Ene bihotza nola,

Nola daite kontsola?

 

Egin dudan botua

Baldin betetzen bada,

Laster itzuliko naiz,

Am'ona, zuregana.

Ene mina bertzela

Nola daite kontsola?

Ene mina bertzela

Nola daite kontsola?

 

© Landerretxe