ESAIDAZU

        Karlos Linazasoro , 1995

Esaidazu ze goibelaldik bizi zaituen

Zergatik den zure tristura hain lazgarria

Nork akusatzen zaituen gauaren begien atzetik

ltxaron hor, ikus itzazu pasatzen animaliak, gezurra,

Murgil itzazu uretan eskuak, edan nire bihotzetik

isiltasuna, horma itsu horren arantzeak

Izan zaitez zelatari, izen bat xuxurlatzen duen hondamendi

zurbil, pasio geldo eta hegatxabal, izan zaitez espazio hori

zeinean Lurra dardar baita eta betikotasun zauritu

Esaidazu nor zaitudan, zergatik diren zure zinkurinak

beira txuri, zein zorabiok alditxartzen zaituen bidean

Noiz izango diren zure begiak piratontzi.

© Karlos Linazasoro