HAUR BAT

        Marieder Uthurralt , 1859

Aspaldiko ametsa, ilusionia,

Haur batek egin liro enetzat egia.

Ainu bat! sinets niro ama izatia

Emaztiaren dela ohore handia.

Mundiari erranik betikoz adio,

Haren inganioer ihes egin niro.

Esku-makil ona da haur bat bermatzeko,

Eta lagun segura xuxen ibilteko.

Egun onak urteko doatza zalurik,

Doluz ez niro egin halere nigarrik.

Nik gal niroena denborak joanik,

Haurrak irabaz liro, adinak emanik.

Gogoz ene laguna baledi kanbia,

Enetzat lizateke ohiko maitia.

Erran niro: ama niz, haren haurrarena,

Zeren etsi? Bil diro haurrak amagana.

© Marieder Uthurralt