BI URTE

        Joseba Zubimendi , 1939

Bi urte luze, bi urte haundi

gendun guztia utzirik

irten ginala gehigo ezinda

gure Donosti maitetik.

Guda oroimen latz ta garratzak

ezin kendurik gogotik

euzkotarraren nekaldi honek

ez du ezerkin berdinik.

Bi urte hauetan etxetik kanpo

guda txar honen bitartez

une guztitan oldozkor nabil

etxe-minaren ametsez.

Urta joan ta urtea etorri

gudaren amairikan ez!

Bihotz nereko Jainko laztana

gutzaz errukitu zaitez.

Bi urteotan nere herriak

ene, nolako aldakuntza

eusko abenda hizkuntaz!

Italo, doixtar, mota guztiko

arrotzak buru dabiltza

eusko gogoa sendo ordea

hau nere bihotzan poza!

Bidasoatik beste aldeko

Euskadi zati ederra

bere lurralde gabe eginik

da gaur etsai ankerra

bere semeak ordutik gabiltz

batera eta bestera

itsasalde ta mendi gainetik

beti horrera begira.

Getaritikan bertan ditugu

gure mendi-sail maitiak

baina bertara joan nahigatik

itxita dira bidiak

harrika-barru dauden menditan

egonik gure herriak

begiz ikusi, gogpz bertara naho ta

ezin! dit bihotz neriak

Hil honen hamahirugarrenean

da bigarren urteurrena

nere gogotik ahaztu ezin dan

hura goizalde iluna!

Jaunak nahiko al du opatu laster

berbihurtzeko eguna

egun horretan gukin emanik

Euskadin euskotasuna!

© Joseba Zubimendi