ZURE ASKATASUNAGATIK

        J. A. Artze , 1973

    zure askatasunagatik

    borrokatzen banaiz

    kantatzen badut,

    ez dut, urrikia dizudalako

    kantatzen

                  ez.

                  ez eta zure malkoak

                  xukatzeagatik bakarrik

lurrak ura

                eta sua

                    zuhaitzek haizea

                    harkaitzak uhinak bezala

neuk zu zoriontsu

            libre behar zaitudalako baizik

            zure askatasunean

            zure zorionean ez ezik

            ez baitut neurea

            beste inun ikusten

© J. A. Artze