GAUR, ARBOLA

        Andoni Salamero , 2004

Gaur, arbola goiko hosto berde hori

bihar, hori.

Bihar, arbola goiko hosto hori hori

etzi, gorri.

Etzi, arbola goiko hosto gorri hori

etzidamu, erori.

Etzidamu, arbola goiko hosto erori hori

gero, arbolaren abaro,

lurraren ongarri,

udaberri jantziz zuztarpetik izango denaren lokarri:

kimu berriko ostadar

berde,

hori,

gorri.

© Andoni Salamero