GAUR, ILUNKARAN

        Andoni Salamero , 2004

Gaur, ilunkaran,

garoek oin ertzetan muin emanez,

ahuspez agurtu nautenean.

Gaur, egunaren joanean,

mendi garaien atzean,

eki izpi zurbilak

galtzen,

desagertzen

ikusi ditudanean.

Gaur,

adio txiotan,txorien zorionak

lotan

doan

ekia

gurtu duenean.

Gaur,

ageriko guztiak,

samurraren bustiak,

ederraren ederrez,

bihotzondoa ziztatu didanean.

Gaur,

esadazu adiskide,

esadazu lagun maite:

Non zaude?

© Andoni Salamero