BIETAKO BIOK

        Jon Aiastui , 2004

Bietako biok dakigu

Azken hitza esan behar dugula.

Bietako biok bilatzen dugu

Azken ironia eta azken zartada.

Horregatik, zure pisutik noanean,

Azken agurra ematen didazu beti.

Nik, igogailuan sartuta,

Azken keinuaz erantzuten dizut.

Zuk ez duzu ikusten,

Ate barrura mugitu baitzara ordurako,

Eta nik ez dizut begiratu,

Botoia sakatu baitut.

Eta hala jaisten naiz ni

Igogailuan kalerantz,

Eta halaxe ixten duzu zuk

Atea isiltasunerantz.

Bietako biok irabazi dugu berriz ere:

Ate bat zuk eta igogailu bat nik.

© Jon Aiastui