IXAZ IDATZITAKO BERBAK GUSTATZEN ZAIZKIT

        Goizalde Landabaso , 2005

Ixaz idatzitako berbak gustatzen zaizkit.

Xuabe,

goxo

xaxatu

xistera.

Ixaz jantzitako gizonak atsegin ditut.

Xarmangarriak

belarrira xuxurlatzen dutenak

xirriki-xarraka datozenak

kafeari xikoria botatzen diotenak

behetik gora xerkatzen nautenak

goitik behera

xapa-xapa maitatzen nautenak.

Maitasunak, baina,

ixarik ez du.

© Goizalde Landabaso