ELURTZA

        Tene Mujika , 1923

Elur txuriak ditu mendiak estaldu

hain ederra dalarik baita itunez bildu

artzai-neskatxari txit gogoa ilundu.

Ai, ez du txoritxoak goizean abestu!

Umezurtza negarrez txoria dardaizka

loretxoa igarturik ardia marroizka

mendi eta zelaian elurrez jantzita

neri iruditzen zaizkit hil-oihalez jantzita.

Non zera, eguzkia? Non zera, non zera?

Atoz dizdiatzaile elurrak kentzera

hilik dagon lurrari bizitza ematera

mendi, baso, zelaiak alaiez janztera.

© Tene Mujika