MUDANTZA

        Xabi Borda , 2009

gurdia leporaino bete dut motorra piztu

auto zaharraren hezurrak kirrinka abiatu naiz

atzeko aldean daramatzat hormak tolestuta

sarrerako ispilu handia zati txikietan

kaxetan txukun teilak eta egurrak

liburuak minak eskailerak izerdia

kiribilduta leihoak eta alfonbrak

fardeletan margoak komuna sabaiko eguzkiak

ezkaratza eta lokatza

labea eta zomorroak

bizkarra okertuta autoa banoa

adreiluok hotzetik babestuko nauten lekuaren bila

ispiluak gezurra esango didan argira

© Xabi Borda