MAITALE ELEBIDUNA

        Antonio Casado da Rocha , 2011

Hainbeste lengoaia probatu ondoren

funtsezko gauzak ez dira aldatzen.

Zalantzak izan ditut. Nortasuna

deklaratu behar. Aita, senarra

izan naiz, ona edo txarra,

                                    betikoa.

Aginte esaldi luze horiek

egiteari utzi diot. Ordez,

keinuak, ikonoak, leihoak

erabili behar izan ditut

baina betiko hardwarea daukadanez,

munduak ez du ikusi aldaketa

handirik, bizitza aurrera doa

bakarrik

            z eta x gehiago

agertzen direla nire hizkeran.

PC ala Mac erabili,

zenbat aldiz gelditu da sistema?

Berriz abian jarri eta kito.

© Antonio Casado da Rocha