BETIRAKO

        Antonio Casado da Rocha , 2011

Nafarroa Behereko Bastidan

badago kanposantu judutar bat,

17. mendekoa.

Gerra garaian profanatu zuten

baina hala ere han dirau gaur egun,

ihintza burdin langaren gainean.

Betirako da dena, maitea.

Segovian badago herri txiki bat

Anaya izena duena, Anaia

izeneko batek sortua dena.

Baseliza bat ere badaukate,

Oñez-eko Ama Birjiñarena,

euskarazko hitzak oraindik ere.

Dena betirako da.

Edo ia betirako da dena, maitea.

© Antonio Casado da Rocha