HOGEI SEGUNDO

        Mikel Etxaburu , 2011

20"

zaila da agur esatea

batez ere euria ari duen arratsaldeetan

telefono haria ere meheagoa da

unea heltzen denean

dakidanean negar egiten duzula

euria ari duen arratsaldeetan

15"

zaila da agur esatea

batez ere euria ari duen arratsaldeetan

burdin zarata are ozenagoa da

unea heltzen denean

dakidanean leihoak zabaltzen dituzula

euria ari duen arratsaldeetan

10"

zaila da agur esatea

batez ere argia joaten den gauetan

labezomorroek tronpetak jotzen dituzte

unea heltzen denean

dakizunean izarretan bilatzen zaitudala

argia joaten den gauetan.

5"

zaila da agur esatea

batez ere argia joaten den gauetan

telefono haria ere meheagoa da

unea heltzen denean

dakizunean negar egiten dudala

argia joaten den gauetan.

2"

maite zaitut, laztana

ondo lo egin

0"

Fin de la llamada. Servicio no disponible.

© Mikel Etxaburu