OHITURA DUGU

        Mikel Etxaburu , 2011

Itsasotik sortu diren herrietan

badugu ohitura

baleari jarraitzeko

--hura ikusten dugunean--

itsasoa itsaso den tokira

Atzo

iritsi ginen   

Finisterrera

harkaitzek ere bere buruaz beste

egiten duten lekura.

Gaur

Ternuara

satorrek ere esperantza

duten lekura.

Bihar

iritsiko gara

Islandiara

berriro ere hotzak akabatuko

gaituen herrialdera

balearen bila

iritsiko gara

Islandiara

herri baten bila

Itsasotik sortu diren herrietan

badugu ohitura

baleari jarraitzeko

--hura ikusten dugunean--

itsasoa itsaso den tokira

© Mikel Etxaburu