GAUAREN EZKUTUKOAK

        Ana Urkiza , 2000

 

 

Gaueko azalaren sorgindura,

        sagar erre gorriaren

        bizi-poz negar-zotin gazia,

ezti pozoia.

 

Piztu da suziria

gau beltzaren paparrean

krabelin...

 

Zer gertatzen da

arrastiko zeru okreetan

eta goizaldeko ortze garbietan,

gaua zorion

eta eguna zorigaitz

zaizkigunean?

 

Berri imintzioa gauean

belar bustiak...

        ihintza goizaldeak.

 

Araztu gaua:

        egunsentirarte.

 

Ostantzak

        lepoa

                 moztu...

argiari.

 

Saguzaharra

egunsentiaren belazean

gerizperatzen.

 

Gauaren gelan

izarrak urrutiko minez.

 

Izarrak ostatu

sabairik gabeko etxean.

 

Ilargiaz

        bestalde,

                 gaua ilun.

 

Ilargipean

        hondartza

                 borxatu

...isilean.

 

Belutu zaigu

jada

gaua.

 

Negarrak

gauez

ozenagoa egiten du

oinazea.

 

Su antzemalea

zeru gorrian,

gau-ke ikara

gorputz ebatuan.

 

Izerdi tantak irrist

gauaren lokietatik.

 

Harpea du

ilunak

irentsi.

 

Ilunkeran

desagertzen da

ildoa

        lotara

                 ortzemugan...

 

Gau ertzeko asmakizunak

biharamona artifiziozko,

irudimen ebaindua

lokamuts.

 

© Ana Urkiza