BORROKAK

        Patxi Etxeberria , 1938

Burrukatzarrak dira gizartean sarri

Gizon batzuk dirala gerta gogaikarri.

Beren asmoak beti lehen mailatan sarri....

Herri xehearentzako astuntxo lakari.

Batik-bat euskaldunak makur behar buru

Aldamenean ttuzte hainbat estakuru.

Gutxi garen apukoz ezin egin gudu...

Hamaikatxotan listu guk irentsi dugu.

Anaia nuen zintzo, euskotar benaz

Arbasoen gogoan hartzen zuen arnas

Ematen ez zigula okerrean urrats....

Agian norbaitentzat hark izaten akats.

Astinaldi zakarra liparrean piztu

Eman behar zuela okerrean zitu.

Anai maiteak zuen basoan aditu....

Arin-arin etxera bertantxe zen bildu.

Eman amari muxu ta bihotza lehertu

Senideok guztia genuen ulertu.

Berehala zitzaigun etxetik aldendu...

Laster zioten soina berunez ubeldu.

Geroago Artxandan, minez elbarritu

Ezin joan inora! Norbaitek sakaildu.

Izenik ez diote oraindik goraldu...

Herrian gutxiago aintzakotzat hartu.

© Patxi Etxeberria