IHAUTERI

        Patxi Etxeberria , 1988

Ihauteri dugu gaur, zoroen eguna

Euskaldunok inondik behar ez deguna.

Etsaiak eman digu bailitzan beruna....

Ez dugula opako inondik ez duna.

Rio nazkagarrian brasildarrak ero

Zabalkundeak dakar arnasez txit bero.

Inork ez ikusi nahi letorkena gero...

Negar malkoa darit ohean gauero.

Alboko biztanleak, hotsaundiz ibiltzen

Eguratsak iradu gaitula zikintzen.

Guztion etxetara irratiz iristen....

Ikas beharra degu belarrik itxitzen.

Behinola haratuzteak, izaten zituzten:

Hiru egun ondoren barau estu zuten.

Gurasoek apalik esaten ziguten....

Orduko egun latzak oroituz gatxauden.

Euskotarren sinismen behinola bai zutik

Ez digu aitortu nahi mokolo gezurtik.

Beheraka egin digu egunero ordutik....

Piztea dagokigu oraintxe bertatik.

Tamalez, askorentzat, eginkizun gaitza!

Bigunagoa omen Aizkorrin harkaitza.

Lotsagutxiko dator lasaken ekaitza....

Eska dezagun zintzo Goi-goiko emaitza.

© Patxi Etxeberria